Tifozeria e organizuar e Interit ka njoftuar një demonstrim në mbështetje të ekipit me rastin e ndeshjes së fundit të kampionatit, në fund të së cilës janë planifikuar ceremonia e ndarjes së çmimeve dhe dorëzimi i trofeut Kampion të Italisë. Lajmin e ka bërë të ditur prefektura e Milanos, që specifikon se në selinë e Komitetit Provincial për Rendin dhe Sigurinë Publike, në mbledhjen e sotme, janë përcaktuar masat shoqëruese përgjatë linjave të asaj që ishte përgatitur tashmë për 8 majin e kaluar.
Në detaje, përreth stadiumit Meazza është identifikuar një zonë e kufizuar, afërsisht 19,000 metra katrorë, në të cilën do të lejohet prania e 4500 tifozëve. Por kjo nuk është e gjitha, sepse mund të ketë edhe një mijë spektatorë në tribuna, megjithëse për këtë, nuk ka ende një aprovim përfundimtar.
