Uniforma e re e Juventus ka dhënë detajet më të rëndësishme për të ardhmen e skuadrës, të paktën në këndvështrimin e tifozëve. Cristiano Ronaldo e Paolo Dybala janë imazhet e zgjedhura për të përfaqësuar fanellën. Një detaj i rëndësishëm, duke qenë se pikërisht dyshja bardhezi është e përfolur për një largim të mundshëm në merkaton e verës.
Zërat u shtuan edhe më tepër kur portugezi trasnportoi nga Torino, me një firmë portugeze, super makinat e tij luksoze. Por menjëherë pas këtij detaji, që u konsiderua fondamental, ka ardhur dalja e bardhezinjve me imazhin e Ronaldos për unformën e re. E bashkë me të edhe Dybala.
Dizajni i uniformës së re të torinezëve është e brandit Adidas, e natyrisht nuk ka më logon e kampionit, por është e linjës klasike, si nuk shihej prej kohësh. Për më tepër që është edhe një nderim për 10 vjetorin e stadiumit Allianz.
