Nuk ka shkuar si shpresonte rikthimi në fushë, pas më shumë se dy muajsh dëmtim, për brazilianin Neymar, por edhe për PSG, që është mundur në Parc des Pince 0-1 nga Lille. Sulmuesi parisien humbi mendjen në fund të ndeshjes, duke u ndëshkuar me karton të kuq, bashkë me Djalo, ndërsa sherri mes tyre ka vazhduar edhe në tunelin për në dhomat e zhveshjes, ku vetëm ndërhyrja e stafeve përkatëse ka evituar përplasjen fizike.
Ndoshta për faktin se parisienët po humbisnin ndeshjen në shtëpi, Neymar dhe Djalo u konfliktuan në fushë, duke u ndëshkuar të dy me karton të kuq, pikërisht në minutat shtesë të ndeshjes. Debati mes dy lojtarëve vazhdoi gjatë daljes nga fusha, ndërsa është dukur se po sqaroheshin, por pikërisht në tunel, ndoshta një fjalë fyese e Djalo ka bërë që Neymar të tentojë të godasë kundërshtarin:
