"Dukej si një dëmtim më pak serioz, por kohët janë zgjatur." Fjalët e Pirlos në konferencën para Veronës i thonë të gjitha. Pas konsultës në Barcelonë me super ekspertin Cougat, megjithatë, Juventus të paktën e ka shumë të qartë se nuk është e përshtatshme të vazhdohet me një operacion që do të ngadalësonte kohën e rikuperimit dhe se për të patur në dispozicion Dybalan, duhet ndjekur një rrugë e saktë dhe duhet patur mbi të gjitha durim.
Jashtë fushës që nga 10 janari i kaluar, çdo javë dukej ajo e duhura për kthimin e argjentinasit. Tani është kuptuar që gjëja më e rëndësishme është të mos e detyrosh, duke ndjekur planin e ardhur nga Barcelona që në thelb përbëhet nga terapi të synuara dhe punë të personalizuar për të parë Dybalan në fushë sa më shpejt të jetë e mundur.
Stërvitja e diferencuar nga pjesa tjetër e grupit i lejon që të mos e sforcojë nyjen, gjë që ndodh në situata të ndryshme loje. Duke vazhduar me këtë lloj pune, dhimbja e gjurit do të zhduket në pak kohë.
