Nëse Interi i shikon me shikim të gjithë tani, gjithmonë duhet thënë se Juventus-Roma, që sot do të jetë ndeshja më e rëndësishme e javës në Serie A, premton shumë edhe vetëm sepse të kesh një renditje më të mirë dhe të mos heqësh dorë nga kreu paraqet një stimul vendimtar. Me bardhezinjtë në 39 dhe të besuarit e Fonseca me një pikë më shumë, askush nuk dëshiron të lërë pikë rrugës (Juve ka ende ndeshjen me Napolin për të rikuperuar).
Në javët e fundit, Juve ka filluar të marshojë dhe fitorja kundër skuadrës së Contes në Kupën e Italisë, në San Siro, ishte një dozë injektimi për moralin. Pastaj me Cristiano Ronaldon (sot në partneritet me Moratan) që prodhon rekord pas rekordi, vështirësia për verdhekuqtë është e madhe. Verdhekuqtë, në fakt, po kalojnë një moment të keq me trajnerin portugez që është vënë në dyshim. Sikur të mos mjaftojë, cështja Dzeko e ka vënë edhe më shumë në vështirësi klubin kryeqytetas. Boshnjaku nuk do të jetë titullar sepse Fonseca ka në mendje Mayoral.
JUVENTUS-ROMA NË SHIFRA
Në 173 precedentë mes dy ekipeve në Serie A, Juventus ka marrë dyfishin e sukseseve të Romës (82 v 41), duke përfunduar 50 herë në barazim. Ajo bardhezi është skuadra që ka mundur verdhekuqtë më shumë herë në Serie A.
Roma mund të mbetet e pamposhtur në tre ndeshje radhazi kundër Juventusit në Serie A për herë të parë që nga dhjetori 2002: pesë në atë rast me Fabio Capello në krye. Pas humbjes 1-3 gushtin e kaluar në Stadium, Juventus mund të humbasë dy ndeshje në shtëpi me radhë kundër Romës për herë të parë në historinë e Serie A.
Juventusi ka mbajtur portën të paprekur në dy ndeshjet e fundit të Serie A dhe mund të arrijë tre për herë të parë nën drejtimin e Andrea Pirlos: për herë të fundit e kanë arritur në qershor të vitit 2020, me Maurizio Sarrin. Duke përfshirë humbjen në tavolinë ndaj Veronës, Roma ka 33 gola pasivë në këtë Serie A, rezultati i dytë më i keq për verdhekuqtë në këtë pikë të turneut në 70 vitet e fundit (pas 34 të marrë në 2012/13).
Kjo sfidë sheh sulmin më të mirë në çerekorëshin e parë të ndeshjes (tetë gola për Romën, barazim me Lazion) kundër ekipit më prolifik në 15 minutat e fundit të lojës (14 për Juventusin) në këtë Serie A. Juventus është, në barazi me Napolin, ekipi që në këtë kampionat ka regjistruar më shumë sekuenca veprimi, prej të paktën 10 pasimesh (329) - 75 më shumë se Roma, pavarësisht një ndeshje më pak.
Sulmuesi i Juventusit, Cristiano Ronaldo mund të mbetet pa gola për katër paraqitje radhazi në kampionat për herë të parë që nga nëntori 2017, kur veshi fanellën e Real Madrid. Në anën tjetër, Roma është skuadra me të cilën sulmuesi i Juventusit Alvaro Morata është përballur më shumë herë në Serie A pa i shënuar apo dhënë asist asnjëherë: për të pesë ndeshje kundër verdhekuqve. Sulmuesi i Romës, Borja Mayoral ka shënuar gjashtë gola në pesë paraqitjet e tij të para si titullar në Serie A: asnjë lojtar nuk ka bërë më mirë në kompeticion në epokën e tre pikëve për një fitore.
