Katër negociata në merkato për tu mbyllur sa më shpejt: java e Milan do të jetë shumë e nxehtë në të gjitha frontet, me vendin e parë për t'u mbrojtur, ndoshta duke u përpjekur të distancohet edhe më shumë nga ndjekësit direkt dhe nevojën për ti siguruar Stefano Piolit përforcimet e nevojshme për të arritur në vijën e finishit pa marrje fryme. Emrat e thirrur për të kompletuar një organikë të reduktuar nga dëmtimet dhe Covid janë ata të Mario Mandzukic dhe Fikayo Tomori. Ish-sulmuesi i Juventus pritet në Milano sonte në mbrëmje: të hënën në mëngjes ekzaminimet mjekësore para nënshkrimit të kontratës.
Bisedimet me kroatin dhe stafin e tij u intensifikuan dje dhe shqetësimet në lidhje me gjendjen e tij fizike - nuk luan prej një viti - janë hequr. Mandzukic do të nënshkruajë një kontratë gjashtë-mujore me mundësinë e rinovimit të saj për 12 të tjerë, saktësisht siç bëri një vit më parë me Ibra.
Janë ndërmarrë hapa edhe për Tomorin, përkundër kundërshtimit të Frank Lampard i cili nuk do të donte të humbiste lojtarin. Milani i ka ofruar Chelsea një huazim me të drejtë blerje dhe pikërisht mundësia e blerjes përfundimtare të tij po negociohet me Blues. Klubi londinez e ka vendosur çmimin e kartonit në rreth 30 milionë euro, Maldini dhe Massara po përpiqen të ulin kërkesat e Chelsea, por kanë të gjitha qëllimet për të sjellë Tomori në Milano dhe duket se janë të gatshëm të mbyllin marrëveshjen në çdo rast. Ndërkohë, lojtari nuk u thirr dje nga Lampard për ndeshjen kundër Fulham, një shenjë e një negocimi që ka hyrë në fazat e fundit.
