Madrid, ose më saktë dy skuadrat më të rëndësishme kryeqytetase kryesojnë La Liga. Në javën e 15 të La Liga, formacioni i Zidane mposht 2-0 Granadan e kthehet në krye të klasifikimit, duke arritur në kuotën 32 të besuarit e Simeones. Pas një pjese të parë pa gola, ndeshja u vendos në të dytën: Casemiro zhbllokoi me kokë në të 57’ në krosimin e Asensios, pastaj Benzema mbylli historinë në shtesë. Përfundoi 1-1, ndërkohjë, sfida mes Getafe e Celta Vigo.
REAL MADRID-GRANADA 2-0
Dueli në distancë, i gjithi madrilen, vazhdon në krye të renditjes së La Liga: Real dhe Atletico janë bashkuar përsëri me 32 pikë pas ndeshjeve të tyre përkatëse kundër Granadas dhe Real Sociedad. Blancos, në pjesën e parë, shkuan afër avantazhit me Benzema, i ndaluar nga një Rui Silva i shkëlqyeshëm, dhe me Kroos, i cili, megjithatë, nuk e gjeti portën. Probleme për Zidane në minutën e 38-të: Rodrygo del për shkak të dëmtimit, por në vend të tij hyn Asensio, i cili do të jetë vendimtar në pjesën e dytë. Ish-lojtari i Espanyol, në fakt, fillimisht goditi shtyllën në minutën e 54-të, pastaj i jep Casemiros topin për 1-0: krosim dhe goditje me kokë nga braziliani që mund Rui Silva, i cili pak më parë i kishte mohuar avantazhin disa minuta më parë Kroos e Benzema. Granada përgjigjet vetëm pas një minute me Puertas, i ndaluar nga një ndërhyrje brilante e Courtois. Në 77 ’, miqtë kërkuan një penallti për prekjen e topit me dorë, por gjyqtari, pasi kontrolloi VAR, vazhdoi lojën. Skuadra e Zidane kontrolloi në finale dhe gjeti 2-0 në minutën e 94 me iniciativën personale të Benzema, që mbylli ndeshjen.
GETAFE-CELTA VIGO 1-1
Në Alfonso Perez përfundoi 1-1 mes Getafe dhe Celta Vigo. Vendasit marrin avantazhin pas 7 minutash falë golit fenomenal nga Damian Suarez, i cili mori një top në hyrje të zonës dhe, pasi kaloi Denis Suarez me tunel, lëshoi një të djathtë që përfundoi në kryqëzimin e shtyllave. Dhjetë minuta më vonë, megjithatë, autori i golit bën një faull në zonë ndaj Olaza dhe Iago Aspas, nga pika e bardhë, mundi Yanez. Rifillimi kishte pak emocione: Aspas provoi në minutën e 63-të, por topi përfundon vetëm pak lart. Mbaroi 1-1: seria e fitoreve radhazi për Celta Vigo ndalet në katër, duke u ngritur në 20 pikë, në +3 ndaj Getafe.
