“Si tifoz i Barcelonës do të doja që Messi ta mbyllte karrierën veshur me këtë fanellë. Për momentin Leo i përket Barcelonës, një klub të cilit mund të them se i jam shumë mirënjohës. Nuk e di cfarë mendon, nëse dëshiron të largohet apo jo. Sidoqoftë, merkato është në qershor të vitit të ardhshëm, jo tani”. Pep Guardiola, në vigjilje të ndeshjes me Tottenham, përdor diplomacinë për të shmangur pyetjet mbi goditjen e shekullit: kalimin e Messi tek Manchester City.
Pavarësisht fjalëve të Pep, tratativa vazhdon e, pas rinovimit të teknikut katalanas me Citizens, nuk ekziston asnjë destinacion tjetër për kampionin argjentinas, ashtu si duket e pamundur të qendrojë tek Barça. Nga Anglia e japin të sigurtë kalimin e numrit 10 më të famshëm në botë në Premier League që në janar.
Si ka thënë Begiristain, drejtori sportiv i klubit, "Guardiola është pedina ideale për të udhëhequr një skuadër duke parë që asnjë lojtar nuk di ti thotë jo. Të gjithë e dinë sa përmirësohesh nën drejtimin e tij". Shifra për të sjellë Messi në Manchester vërtitet rreth 60 milionë euro. Mbetet të kuptohet nëse në tratativë do të përfshihet rikthimi i mbrojtësit të qendrës Eric Garcia tek Barça.
