Christian Obodo, ish-mesfushori i Perugia, Fiorentina, Udinese e Lecce, është rrëmbyer dhe lëshuar pas ndonjë ore, në Nigeri. 36 vjecari që tani luan me Apollon Smyrnis është marrë me forcë ndërsa ndodhej në afërsi të Warri, qendra e rajonit Delta. Obodo ishte në makinë me shoqen e tij e kur ndaloi, disa njerëz të armatosur i janë afruar duke e detyruar të ngjitet në makinën e tyre.
Obodos i morën të gjitha sendet me vlerë që kishte dhe e cuan në një pyll. Historinë e frikshme e ka rrëfyer vetë lojtari për Brila FM, emitent në vendin e tij që merret me cështje sporti: "Më mbyllën katër orë në bagazhin e një makine, në të nxehtë - tha Obodo -. Rrëmbyesit më thanë se kishin humbur para, duke vënë baste për ndeshjet e kombëtares nigeriane. Nuk më bënë keq, as kërcënuan, por nuk e kuptoj përse dikush ka dëshirë të më bëjë të përjetoj situata të tilla". Obodo ishte rrmbyer, gjithnjë në Nigeri, në 2012 ndërsa po shkonte në kishë, e pastaj u la i lirë pas pagesës së dëmshpërblimit.
