Prej ditës së sotme ka hyrë në fuqi vendimi për mbajtjen e detyrueshme të maskës nga të gjithë qytetarët në rrugë, në park, në dyqan apo supermarket, në ashensor, në institucionet fetare, në kinema, para dhe pas konsumimit të ushqimit në restorante madje edhe në shtëpi nëse keni ndonjë familjar të infektuar me COVID-19.
Por ky vendim ka sjellë reagimin e disa qytetarëve, të cilët duke sfiduar kushtet jo të favorshme të motit kanë dalë në Bulevardin “Dëshmorët e Kombit”, para ambienteve të Kryeministrisë për të protestuar.
News 24 raporton se policia ka bërë të mundur shoqërimin e tre personave. Po ashtu policia ndërhyri për të shpërndarë turmën madje shume prej tyre qe nuk kane pranuar të largohen janë shoqëruar në Komisariat.
Tashmë policia po largohet nga Bulevardi para Kryeministrise, pasi ka bere te mundur largimin e të gjithë qytetarëve.
