Kryeministri Edi Rama duke komentuar sot akuzat e kreut të PD për aferën e inceneratorëve të përpunimit të mbetjeve tha se do të flasë sonte në mbrëmje, ku do të jetë i ftuar në emisionin ‘Opinion’, edhe për lidhjet e Lulzim Bashës dhe dokumentave që e implikojnë atë më këtë çështje.
“Sontë do të flas me dokumente se pse është i shqetësuar Luli. E dua shumë Lulin, por ndonjë shpullë një herë në muaj e meriton, sepse është kusht i dashurisë se kush të rreh të do” – tha Edi Rama.
Por ajo që bëri përshtypje në deklaratën e kryeministritështë se normalisht ai nuk e di se për çfarë temash do ta pyesin Fevziu dhe 4 gazetarët e ftuar në Panel, Rakipllari, Vangjeli, Aleksandra Bogdani e BIRN dhe Shkullaku. Por pavarësisht nga kjo ai paravendos axhendën e emisionit duke shpallur ne publik për temat që do të flasë dhe dokumentat që ai so të nxjerrë.
I surprizuar nga ky deklarim qe ul besueshmerine e perballjes se tij, Lapsi.al u interesuar pranë pjesmarrësve në debat të cilën konfirmuan se nëse kryeministri hap temën e inceneratorëve ai do të ndeshet me dokumenta surprizë që nga koha e nisjes së kësaj afere në në dhjetor të vitit 2014.
©Lapsi.al
