Elisa Spiropali ngatërroi pushtuesit me dëshmorët e vendit dje në emisionin Opinion.
Duke sulmuar Ilir Metën, Elisa Spiropali deklaroi Live se Presidenti është bërë si "gjenerali i ushtrisë së vdekur", për dekoratat që ai i dha Vojo Kushit dhe Vasil Laçit.
Problemi me krahasimin skandaloz të Spiropalit qëndron tek fakti që "Gjenerali i ushtrisë së vdekur" nga libri i Kadaresë ishte gjenerali i pushtuesve, i ushtrisë italiane. Figurat që u dekoruan nga Meta, për të cilat Spiropali po sulmonte këtë të fundit, kanë dhënë jetën në luftë ndaj pushtuesve.
Ky krahasim, më së pak skandaloz për një grua me vite në skenën politike, bëri që dy nga panelistët, Baton Haxhiu dhe Lorenc Vangjeli, apo dhe moderatori Fevziu ti tërhiqnin vëmendjen deputetes. ©Lapsi.al
