Ditën e sotme Lulzim Basha po zhvillon një takim me bizneset në Lushnje për të dëgjuar nga afër problemet e tyre në këto kohë krize.
Gjatë bashkëbisedimit me ta, Basha prezantoi planin e PD për rimëkëmbjen, ndërsa tha se këto janë muajt e fundit të së keqes.
Një biznesmen u ankua se prej 4 vitesh ka hasur vështirësi me këtë biznes. "Nga kjo qeveri jam sulmuar. Dikush që është pro pushtetit, më sulmon. Pasi merr 8 mln euro nga AZHBR-ja." - u shpreh ai.
Basha shpjegoi pse nuk ka më premtime, por program të sigurt nga PD.
"Këto janë muajt e fundit të së keqes. Ta kuptojnë dhe ata çunat e rinj ty. Do ishin 7-8 ata nëse lekët do të kishin ardhur tek njerëzit. Do të ketë masa, do të ketë mirëqenie për të gjithë. Po të ulim naftën, do të japim mbështetje, dhe me ato para që do të marrësh nga biznesi dhe me mundësitë e tjera që do të japë konsumi do të shtosh staf e do të rrisësh pagat. Subvencione për fermerët, kontrolli i cilësisë së karburantit, dhe kalimi i këtyre parave jo tek një monopolist, këto janë pikat tona. Nuk ka më premtime, por program të sigurt nga PD. Plani që i kemi dhënë qeverisë për këto 6 muaj, ata s’kanë ndërmend që ta zbatojnë. Pasi ata s’kanë ndërmend që të ndihmojnë." - u shpreh kryetari i opozitës. ©Lapsi.al
