Kuvendi do të votojë ditën e sotme reformën zgjedhore dhe ndryshimet në Kodin Zgjedhor, duke hapur listat, krijuar koalicionet me një listë të vetme duke ulur pragun kombëtar në 1 % për t’i dhënë mundësi të gjitha partive edhe atyre të vogla, të kenë përfaqësuesit e tyre. Seanca po zhvillohet me debate mes PS dhe opozitës parlamentare, e cila shprehet se ndryshimet në kodin zgjedhor po kalon në mënyrë të njëanshëm nga mazhoranca.
Përfaqësuesi i PS në Këshillin Politik, Damian Gjiknuri tha se sot përmbyllet një proces i rëndësishëm që ka të bëjë me Reformën Zgjedhore dhe Kodin zgjedhor. Gjiknuri iu përgjigj akuzave të bëra nga opozita jashtëparlamentare dhe asaj në Kuvend, duke thënë se lista hapen 100 % dhe se zgjedhësi ka mundësinë të ndryshojë edhe atë liste preferenciale nga partia për të cilën u tha se ishte e mbyllur.
