Edhe sot, opozita parlamentare e ka bojkotuar mbledhjen e Komisionit të Ligjeve pasi sipas tyre as formula e re e paraqitur nga Partia Socialiste nuk i hap listat 100%. Megjithatë, mbledhja për miratimin nen për nen të ndryshimeve nuk është ndërprerë pasi socialistët e kanë vijuar atë të vetëm, me disa deputetë zëvendësues. Ndër deputetët zëvendësues nga opozita parlamentare, që nuk kanë pranuar të braktisin mbledhjen, janë Aurora Mara, Ediola Braha dhe Nimet Musai të ardhur nga listat e LSI-së.
Deputetja Rudina Hajdari ka thënë se propozimi i PS-së është ofendim jo vetëm për opozitën parlamentare por mbi te gjitha për shqiptarët. Ndërkohë edhe deputeti Ralf Gjoni u shpreh i revoltuar pas daljes nga mbledhja. “Kush voton është lapanjoz. Nuk përfaqëson neve asnjë nga këta që ngelën këtu”, tha Gjoni.
