Paditë e investitorëve të huaj në gjykatat e Arbitrazhit Ndërkombëtar janë kthyer në një shqetësim për presidentin Ilir Meta. Në konferencën e së premtes, kreu i shtetit u ndal në rastin e fundit të Kurum-i, që kërkon 100 milion euro nga shteti shqiptar. Meta tha se ka kërkuar informacion pranë Avokaturës së Shtetit, por nuk ka marrë asnjë përgjigje.
“Nisur nga padia e një investitori i huaj që kërkon 100 mln euro nga Shqipëria, në gjykatën e Arbitrazhit dua të them se kjo është kthyer në një shqetësim dhe rrezik për financat dhe ekonominë shqiptare”,- u shpreh presidenti Meta.
