Deputetja e opozitës parlamentare Rudina Hajdari ka deklaruar se nuk do të heqë dorë nga kërkesa për lista të hapura. Hajdari i kërkoi kolegëve të saj në opozitën parlamentare të bojkotojnë çdo seancë dhe çdo mbledhje derisa të merret parasysh drafti i tyre.
“Reforma Zgjedhore ka rënë gjithmonë. Partitë përpiqen ta përdorin për të fuqizuar partitë e tyre dhe pushtetin e tyre. Është e trishtë sepse kemi kërkuar gjatë gjithë kohës që qytetarët duhet të kenë të drejtën e tyre kushtetuese për të zgjedhur të drejtën e tyre” tha Hajdari. Draftin e PS, Hajdari e quajti hileqar pasi sipas saj ai ka për qëllim të pengojë të drejtën e qytetarëve për të zgjedhur të drejtën e tyre.
“Duhet të kemi një parlament që është më i përgjegjshëm dhe kushdo të jetë kryeministër do kemi mundësi të uli korrupsionin. Nuk ka asnjë cm pas dhe ftoj kolegët që të shqyrtohet propozimi jonë”, tha Hajdari.
