Mbrojtësi i Real Madrid, Marcelo, edhe pse në moshën 33 vjecare në 12 majin e kaluar, ka një vlerësim financiar shumë të lartë. Merengues pavarësisht se e kanë nxjerrë nga titullarët brazilianin, nuk duan ta lëshojnë lehtësisht. Mbrojtësi është tentuar në ditët e fundit nga dy klubet më të forta, ekonomikisht e sportivisht, në Itali: Juventus e Inter, që janë ndalur për momentin nga paga.
Ashtu si bën të ditur AS, dy shoqëritë kanë kontaktuar stafin e lojtarit brazilian të Real Madrid për zbuluar disponibilitetin e tij e për të nisur një tratativë të mundshme. Sipas Transfermarkt, kartoni i Marcelos duhet të vërtitet rreth 16 milionë euro, por problemi me të cilin janë ndeshur Juve (ku do të bashkohet me mikun e tij Cristiano Ronaldo) e Inter (që e ka kërkuar edhe në raste të tjera) është paga prej rreth tetë milionë në vit, një shifër që asnjë nga dy klubet italiane nuk mund tia lejojë vetes në këtë moment.
