Kryetari i PD, Lulzim Basha ka publikuar disa foto nga plazhet e zbrazura në vendin tonë.
Sipas Bashës, pandemia ka goditur turizmin më keq se çdo sektor tjetër, duke rrezikuar që 100 mijë persona të humbin vendin e punës, ndërsa fajëson kryeministrin Edi Rama dhe qeverinë se nuk i erdhën në ndihmë operatorëve turistikë.
“100 mijë punonjës në këtë sektor dhe mbi 200 mijë të tjerë të lidhur me të, rrezikojnë punën dhe mbijetesën e tyre dhe të familjeve. Si pasojë e dritëshkurtësisë së qeverisë Rama dhe premtimeve të pambajtura për t’i ardhur në ndihmë, këtë verë turizmi shqiptar gjendet në ditën e tij më të keqe”, shprehet Basha.
