Sapo ka kaluar një ngjarje të rëndë në jetën personale dhe pas mbylljes së një sezoni të vështirë politik Edi Rama ka rendur drejt folesë së tij të preferuar për të nisur pushimet. Ajo gjendet në vilën qeveritare të Dhërmiut. Burime nga garda e republikës thanë për Lapsi.al se kryeministri është vendosur drejt fshatit luksoz të jugut, ku preferon të kalojë pushimet elita e kamur e vendit. Prezencën e një autoriteti të lartë shtetëror e konfirmuan edhe pushimtarët e qëndrës së Dhërmiut të vjetër (plazh) të cilët kanë vërejtur këtë ditë lëvizje të shtuar të forcave të sigurisë në këtë zonë.
Sapo erdhi në pushtet një nga gjërat e para që bëri Rama ishte rinovimi i vilës ku ka ndejtur në kohë të komunizmit, kushëriri i tij i largët Spiro Koleka (fotot poshtë). Me tu modernizuar ajo kryeministri nuk ka kaluar asnjë sezon veror pa qëndruar aty.
©lapsi.al
