Frikë në shtëpinë e Atalantës për gjendjen e Luis Muriel. Sulmuesi kolumbian është shtruar në një klinikë në Bergamo pasi është rrëzuar në mënyrë aksidentale. Sipas asaj që bën të ditur Bergamo e Sport, Muriel, pasi ka rrëshqitur, ka pësuar një traumë në kafkë me një plagë të dukshme. Qendërsulmuesi kolumbian është dërguar menjëherë në një klinikë lokale për të monitoruar situatën.
Kontrolli i parë ka dhënë fatmirësisht rezultate optimiste, ndërsa nuk është ende e qartë dinamika e aksidentit të kryegolashënuesit sezonal të Atalantës. Gati e pamundur që Muriel të jetë protagonist në derbin kundër Brescia.
