Ministri i Diasporës, Pandeli Majko nuk reagoi pas shembjes së Teatrit Kombëtar, mëngjesin e 17 Majit, ndonëse ishte shprehur kundër shembjes së tij. I ftuar në Abc News, ish kryeministri dha një arsye sa komike aq edhe ironike mbi këtë qëndrim të tij.
Sapo kishte kryer operacion në gojë, gjë e cila e pengoi të fliste, kështu tha Majko. Por ky ngjan të jetë një justifikim shumë banal dhe që s'i shkon përshat një ish-kryeministri. Nëse Majko ka patur problem artikulimin për shkak të operacionit, fare mirë mund të shkruante një deklaratë në Facebook.
Por 'lepuri' fle gjetkë, Majko fshehu kokën si struci teksa fadromat i mësynë Teatrit Kombëtar natën. Ish-kryeministri u bë palë me shumë socialistë e rilindas të tjerë që mbrojtën në mënyrë kolektive krimin monstruoz të shembjes së një objekti me rëndësi historike për Shqipërinë dhe jo vetëm. Në videon më poshtë shihni cfarë ka thënë Majko konkretisht kur u pyet nga gazetari se përse nuk i tha dicka kryebashkiakut Erion Veliaj përpara se Teatri të shembej.
©LAPSI.al
