Presidenti Ilir Meta ka shprehur ngushëllimet e tij për humbjen e jetës së arkitektit të njohur Maks Velo, i cili u nda nga jeta ditën e sotme në moshën 84-vjeçare.
Meta e ka cilësuar një lajm të trishtueshëm për një figurat më inovatore të artit shqiptar, simbol të antikonformizmit dhe lirisë së mendimit.
‘Ndarja nga jeta e Maks Velos është një lajm i trishtueshëm.
Si një prej figurave më novatore të artit shqiptar, simbol i antikonformizmit dhe lirisë së mendimit, piktor e arkitekt i shquar që luftonte pakompromis transformimet e shfrenuara urbane, intelektual aktiv që jetoi dy epoka duke provuar vuajtjet e burgjeve të diktaturës, shkrimtar e studiues i njohur, kjo ikje e Tij le pas një boshllëk të pazëvendësueshëm në shoqërinë shqiptare.
Ngushëllime të afërmve, bashkëpunëtorëve, miqve e dashamirësve të shumtë!
Maks Velo dhe zëri i Tij kritik do t'i mungojë në veçanti mbrojtjes së interesit publik në këtë periudhë të brishtë institucionale dhe demokratike.’
