Paul Gascoigne nuk heq dorë kurrë nga shpirti rebel, as në karantinë. Gjatë lockdown në Bridlington, Gazza ka dalë nga banesa e tij për të shkuar në pub-in e improvizuar të Paul Salmon, në kopështin e shtëpisë. Një thyerje e rregullave që nuk i ka pëlqyer shoqeve të tyre. E nervozuar, gruaja e mikut të Gazza ka shkatërruar "pub-in" në kopësht, ndërsa Gascoigne është lënë në vend nga e fejuara e tij, Wendy Leech.
Thyerjen mes të dyve nuk e ka provokuar vetëm dalja nga karantina e Gazza, por edhe rikthimi i tij i panumërt tek alkoli. Në një video të shpërndarë nga Daily Star shihet Gascoigne duke pirë birra. Sjellje që ka tërbuar ish-shoqen e ish-yllit të futbollit anglez.
“Wendy ishte vërtetë e nxehur”, ka treguar një mik i 43 vjecares, që e kishte njohur në Spanjë ish-futbollistin e Lazio e po e kalonte izolimin bashkë me të. “Ai e ka zhgënjyer e ajo nuk ka besim se mund të sillet në mënyrë të përgjegjshme - vazhdoi ai -. Wendy ka dy fëmijë e tre nipër për të menduar. Ajo e Paul flasin akoma, sepse Wendy është vërtetë e shqetësuar për të, por pas asaj që ndodhi, nuk arrin të shohë një të ardhme për ata të dy”, ka përfunduar ai.
