Edhe Faza 2 e Romës ka nisur. Mëngjesin e sotëm, disa lojtarë verdhekuq kanë mbërritur në Trigoria për vizitat mjekësore. I pari që mbërriti ishte portieri Pau Lopez, i ndjekur nga Edin Dzeko në drejtimin e një Bentley e me maskë në fytyrë. Kontrolle fizike për lojtarët që do të vazhdojnë deri të mërkurën, ndërsa nga e enjtja skuadra e Fonseca do të nisin stërvitjet individuale ose në grupe prej maksimumi pesë lojtarë në tre fushat e qendrës sportive verdhekuqe. Programi i vizitave parashikon prova nën sforcim, ekokardiograma, teste kardiologjie të nivelit të parë e të dytë, testin sierologjik, analizat e urinës e ato të gjakut. Pastaj nga e enjtja lojtarët do të ndahen në grupe e breza orari për të nisur punën fizike në fushë. Shumë vrap e pak punë me topin për të arritur gati në 18 maj, datë në të cilën duhet të rikthehen stërvitjet si skuadër.Prime corse al #MapeiFootballCenter ?♂️?#ForzaSasol ?? pic.twitter.com/zPACKAgtdB
— U.S. Sassuolo (@SassuoloUS) May 4, 2020
