13 gola në 25 ndeshje të luajtura me fanellën e Fenerbahce, duke i shtuar edhe pesë asist, e kanë evidentuar Vedat Muriqin në sytë e klubeve të ndryshme europiane. Qendërsulmuesi i Kosovës i ka ngjitur shkallët me shpejtësi dhe në moshën 26 vjecare (mbushur në 24 prill) është një prej emrave kryesorë në listën e Igli Tares. Drejtori Sportiv i Lazios është në kërkim të lojtarëve për të kompletuar repartin ofensiv e, sipas Gazzetta dello Sport, i ka hedhur sytë mbi Vedat Muriqi, që në fakt ka shumë që e vlerësojnë edhe në Premier League.
Një rrugë e gjatë për ish-sulmuesin e Teutës dhe Besës së Kavajës, skuadrat që e lancuan në futbollin profesionist kosovarin, por pa e kuptuar kurrë potencialin që kishte Muriqi. 3 gola me durrsakët në sezonin 2013-14, nga të cilët 3 në Kupën e Shqipërisë dhe 3 me verdhezinjtë që i besuan në 13 takime. Nga aty nisi aventura e pandërprerë në kampionatin turk në Ligën e Dytë e më pas Superligë ku kulmoi me Rizespor, që pasi e ndihmoi të ngjitej në elitë, realizoi 17 gola në 34 ndeshje në sezonin e kaluar, me një vlerë që tani prek shifrën e 3.5 milionë euro…
