Në kohën kur cështja që shqetëson më shumë është kur, apo nëse, do të rinisë futbolli, skuadrat kanë filluar të përgatiten për merkaton. Për të gjithë po qartësohet se mënyra më e mirë për tu përforcuar është shkëmbimi, huazimi, apo goditjet me parametër zero: e në të treja Roma ka treguar se di të veprojë me sukses, duke hedhur sytë këtë herë nga sulmuesi anësor i Chelsea Pedro, që shkon në skadencë kontrate.
Sulmuesi spanjoll në vigjilje të qershorit, kur do të jetë një lojtar i lirë, po mendon për të ardhmen. "Duhet të flas me klubin, kam një kontratë deri në 30 qershor - ka zbuluar ai në një intervistë për "El Larguero" në Cadena SER - Jam i hapur të dëgjoj ofertat" ka thënë ish-lojtari i Barcelonës.
Pastaj, mbi emergjencën Koronavirus: "Kur sheh se pjesa më e madhe e lojtarëve që janë infektuar, si Pepe Reina, të thonë sa e rëndë ishte... Duhet ti japim prioritet shëndetit para të gjithave e të shohim si mund të ecim përpara. Shpresoj të kthehemi së shpejti në normalitet, edhe se nuk e kuptojmë akoma si do të influencojë me rikthimin e kompeticioneve".
