Fasoneritë në Krujë i kanë bërë kërkesë qeverisë në lidhje me situatën e krijuar nga covid-19.
Biznesi fason në këtë qytet kërkon që qeveria të marrë përsipër kostot shtesë për marrjen e masave në mënyrë që të ndalohet përhapja e virusit te punonjësit.
Po ashtu ata kërkojnë që të qartësohet mbështetja financiare për këtë industri dhe të kryhet transporti i punonjësve
Fasoneritë në Krujë dhe Kurbin janë kthyer në vatër të përhapjes së koronavirusit përmes kontakteve duke shënuar një rritje të ndjeshme të rasteve.
Ndërkohë që fasonët shprehen se respektimi i masave të parashikuara nga qeveria për të shmangur përhapjen e koronavirusit, janë të paarritshme për shumë fasoneri në Krujë.
Pronarët e fasonerive, rrëfejnë se vendimin për mbylljen e aktivitetit e kanë marrë vetë, duke lënë kështu qindra mijëra punëtorë në shtëpi.
Nga njëra anë qëndrojnë marrëdhëniet më punëtorët, që së fundmi janë tensionuar, e nga ana tjetër, gjobat për vonesë nga ana e porositësve.
19 fasoneritë që operonin në bashkinë e Krujës kanë ndërprerë aktivitetin që prej të ditës së enjte, ndërsa kërkesat e tyre, i dorëzuan dhe pranë institucioneve vendore.
