Kryeministri Edi Rama gjatë një lidhje live tha se me lirimin e masave të gjithë qytetarët do të duhet të tregojnë kujdes për të ruajtur veten. Rama tha se askush nuk do t’i rikthehet normalitetit deri në gjetjen e vaksinës, por deri atëherë do të duhet që të ruajmë vetën nag një infektim i mundshëm.
“Faza dy e strategjisë sonë të luftës me këtë armik të padukshëm nuk ndryshon shumë me atë të vendeve të tjera, por qasja ndryshon. Kjo sepse virusi nuk ikën me që ne rrimë mbyllur, por nuk na vret dot. Ama ai është aty, mbrapa derës së secilit prej nesh dhe sapo e hapim derën tonë, jemi të ekspozuar nga mundësia që të na godasë përsëri. Deri kur të dalë vaksina duhet të jemi të vëmendshëm si familje dhe si shoqëri që të mos goditemi prej tij. Deri në daljen e vaksinës, normaliteti ynë nuk do të jetë si më parë. Për të ruajtur veten dhe të tjerët nuk duhet të shkelim më në shtëpitë e njëri-tjetrit, pa u zhdukur ky virus,”-tha kryeministri.
