Kryedemokrati Lulzim Basha ka kërkuar edhe njëherë testimi në masë të të gjithë efektivëve të Policisë dhe të bluzave të bardha, si më të rrezikuarit.
“Në vlerësimin tonë, kontrolli i Policisë nuk po bëhet në masë dhe duhet të kthehet në prioritet. Kërkesës sonë për një përqasje të re, i janë bashkangjitur edhe zëra brenda maxhorancës. Duhet ndryshuar menjëherë strategjia. Nëse prekim vetëm majën e ajsbergut, do ta kemi të vështirë që ta drejtojmë vendin drejt hapjes është e pamundur që njerëzit të mbahen në shtëpi pa plan. Niveli i testimeve është më i ulët se vendeve fqinjë. Jam i qartë që nëse lejojmë infektimin e mjekëve dhe infermiereve dobësojmë vijën mbrojtëse. Pushteti vendor ka qënë dhe mbetet jashtë lojë. Ne kërkojmë të normohet pushteti vendor për të gjurmuar dhe izoluar të gjitha rastet e infeksionit.”
