Pasi kaloi mbrëmjen e djeshme në spital në terapi intensive, kryeministri i Britanisë, Boris Johnson duket se është në gjendje të stabilizuar shëndetësore. Zëdhënësi i tij u shpreh se Johnson u mbajt me oksigjen ndërsa vendosja e respiratorit nuk ishte e nevojshme. Vetë mbretëresha Elizabet i dërgoi letër famlijes së tij në shenjë mbështetje.
Johnson u shtrua në spital mbrëmjen e së dielës pasi kishte simptoma të vazhdueshme të koronavirusit të ri. Ai rezultoi pozitiv në testin e kryer rreth 13 ditë më parë.
Edhe një tjetër ministër i kabinetit qeveritar, Michael Gove është vetë izoluar pasi një pjesëtar i familjes së tij ka rezultuar pozitiv me COVID-19. Ky i fundit është shprehur se nuk ka shfaqur simptoma por është vetëkarantinuar si masë sigurie.
