Në pritje të lajmeve të mira nga fronti shëndetësor, Serie A vazhdon të studiojë kalendarin e rinisjes së mundshme. Datat, natyrisht, janë ende hipotetike. Gjithcka do të lidhet me zhvillimin e pandemisë së Covid-19 në Itali, por ndërkohë kanë nisur të ndërtohen skenarët e tëe ardhmes, në bazë të indikacioneve që kanë ardhur në ditët e kaluara nga drejtuesit e futbollit kombëtar e europian: rinisja në 20 maj me rikuperimet e javës së 25 (mes të cilave Inter-Sampdoria), pastaj turi i forcës me ndeshje cdo tre ditë, për ta mbyllur në 2 korrik. Kështu, eventualisht, hapësirë kupave të Europës.
Asamblea e fundit e Lega ka pretenduar se mund të kthehet të luhet vetëm kur kushtet shëndetësore ta lejojnë, por është shumë e rëndësishme të përcaktohet horizonte kohore. Ajo e të mërkurës në 20 maj është për momentin data më afër në të cilën është e mendueshme rinisja e aktivitetit sportiv. Në këtë këndvështrim, stërvitjet në fushë duhet të rinisin në fillim të majit, për ti garantuar futbollistëve 2-3 javë përgatitje atletike. Uefa ka bërë të ditur se ka ndërmend ti japë prioritet tuneve kombëtare, duke u treguar e gatshme që ta lërë Champions e Europa League edhe në mesin e verës. Në këtë mënyrë mund të luhet cdo tre ditë pa menduar për Kupat, finalja e të cilave mund të luhet mes të mërkurës e të enjtës së 1 e 2 korrik.
KALENDARI HIPOTETIK NË DETAJE
20 maj - rekuperimi java 25
23-24 maj - java 27
27-28 maj - java 28
30-31 maj - java 29
3-4 qershor - java 30
6-7 qershor - java 31
10-11 qershor - java 32
13-14 qershor - java 33
17-18 qershor - java 34
20-21 qershor - java 35
24-25 qershor - java 36
27-28 qershor - java 37
1-2 korrik - java 38
