Lajmi qarkullonte prej ditësh, por tani është zyrtar: për shkak të emergjencës koronavirus, turneu i Wimbledon, në program në Londër nga 29 qershori në 12 korrik, është anulluar: është hera e parë që ndodh nga kohët e Luftës së Dytë Botërore. I gjithë sezoni mbi bar është anulluar e nuk do të ketë tenis profesionist në asnjë vend të botës të paktën deri në 13 korrik.
Pas Europianit e Olimpiadës, koronavirus bën një tjetër viktim luksi mes manifestimeve të mëdha sportive. Ndërsa Roland Garros shpëtoi duke shtyrë turneun në 20 shtator -4 tetor, Wimbledon është anulluar e me të i gjithë sezoni në bar. "Edicioni i 134-rt i Championships - lexohet në faqen e turneut prestigjioz - do të zhvillohet nga 28 qershori në 11 korrik 2021".
"Kemi menduar mbi të gjithë për shëndetin e sigurinë e të gjithë atyre që marrin pjesë në Wimbledon: nga publiku britanik tek vizitorët nga e gjithë bota, nga lojtarët tek të ftuarit, tek personeli, tek vullnetarët, partnerët e tek rezidentët lokalë" vazhdon komunikata.
"Eshtë një vendim që nuk e morëm lehtë, por si rrjedhojë e një analize të thellë duke marrë në konsideratë të gjithë skenarët. E quajmë të drejtë të anullojmë Championships këtë vit për tu përqendruar në mënyrën se si të përdorim burimet tona për të ndihmuar komunitetin vendas e jo vetëm", ka thënë Ian Hewitt, presidenti i Aeltc, All England Club, që mirëpret turneun më të famshëm në botë.
PEZULLOHEN TË GJITHË TURNETË ATP E WTA DERI NË 13 KORRIK
Njëkohësisht me anullimin e Wimbledon, Atp e Wta kanë njoftuar vazhdimin e pezullimit të të cirkuiteve respektive deri në 13 korrik 2020, për shkak të pandemisë aktuale të Covid-19. Përvec Championships, pezullimi përfshin edhe eventet Atp të s-Hertogenbosch, Stuttgard, London-Queen's, Halle, Mallorca e Eastbourne, përvec atyre të Wta të s-Hertogenbosch, Nottingham, Birmingham, Berlin, Eastbourne e Bad Homburg. Ndalimi përfshin të gjithë aktivitetin profesionist, përfshirë Atp Challenger Tour dhe Itf World Tennis Tour. Për momento, turnetë që do të zhvillohen nga 13 korrik 2020 e më pas mbeten të konfirmuar në datat origjinale.
