Lulzim Basha deklaroi mbrëmjen e sotme se situata e shqiptarëve të mbetur në pikat kufitare është dramatike dhe kërkon ndërhyrje urgjente.
Basha i kërkon qeverisë në Twitter të lejojë kthimin menjëherë në shtëpi të tyre dhe thekson se asnjë shtet në botë nuk pengon qytetarët e vet të futen në atdhe.
“Situata e qytetarëve shqiptarë në pikat e kalimit të kufirit është dramatike dhe kërkon ndërhyrje urgjente. Qeveria të lejojë kthimin menjëherë në shtëpi të qytetarëve që prej 48 orësh mbahen peng në rrugë në pikat e kalimit të kufirit midis Shqipërisë dhe Greqisë e Malit të Zi.
Braktisja e qytetarëve është papërgjegjshmëri çnjerëzore. Asnjë shtet në botë nuk pengon qytetarët e vet të futen në atdheun e tyre dhe të shkojnë në shtëpinë e tyre”, shkruan kreu i PD.
