Është publikuar raporti përmbyllës i hetimeve mbi vdekjen e Emiliano Sala, futbollisti i Nantes që u rrëzua në kanalin e La Manshit në 21 janar 2019, ndërsa po fluturonte drejt Cardiff për tu bashkuar me skuadrën e tij të re. Sipas asaj që është zbuluar, piloti David Ibbotson nuk e kishte kompletuar stërvitjen për fluturimin e natës e nuk mund të paguhej për të fluturuar. I njëjti mjet, një Piper Malibu, nuk ishte i aftë për të kryer transportin komercial, por vetëm për përdorim privat. Incidenti në vetvete u shkaktua kryesisht nga humbja e monoksidit të karbonit, që pastaj është futur në kabinën e pilotit, duke i kufizuar aftësitë e drejtimit të pilotit.
Rezultati i hetimeve është bërë i njohur nga agjensia britanike AAIB (Air Accidents Investigation Branch), që ka qartësuar kështu disa pika ende të errëta në lidhje me vdekjen e sulmuesit argjentinas. Në raport lexohet, mes të tjerave, se Ibbotson, trupi i të cilit nuk u gjet kurrë, po drejtonte mjetin në kushte shumë të vështira atmosferike, nën një shi të dendur e se ishte i impenjuar të kryente një manovër për tu larguar nga ajo zonë. Në momentin e përplasjes avioni udhëtonte me 245 nyje, kundër 203 maksimumi të lejuara. Të gjitha rrethana që kanë kontribuuar në aksidentin fatal.
