Valencia-Atalanta do të luhet me dyer të mbyllura. Lajmin e ka bërë zyrtar vetë Uefa, duke shpjeguar në detaje masat shtrënguese të ndeshjes së kthimit për 1/8 e Champions League. Pas 4-1 në San Siro në favor të bergamaskëve, raundi i dytë kundër klubit spanjoll do të luhet pa publik, për shkak të emergjencës koronavirus. Një vendim i paevitueshëm duke parë situatën e përhapjes së virusit. "Uefa konfirmon që ndeshja Valencia-Atalanta mund të luhet sipas programit, por duhet të zhvillohet me dyer të mbyllura", lexohet në komunikatë.
KOMUNIKATA E UEFA-s
"Në konsideratë të vendimit të fundit të marrë nga Consellería de Sanidad de la Comunidad Valenciana (Ministria e Shëndetit në Valencia) e komunikatës së Federatës Spanjolle, Uefa konfirmon se ndeshja Valencia-Atalanta, e vlefshme për kthimin e 1/8 të finales së Uefa Champions League, mund të diskutohet sipas programit (në terma datash, oraresh fillimi e vendi), por duhet të zhvillohet me dyer të mbyllura, që do të thotë se asnjë zotërues i një bilete (blerë si nga klubi vendas, ashtu dhe klubi mik përmes UEFA-s) nuk do të jetë i autorizuar të ndjekë ndeshjen".
