Mëngjesin e sotëm krerët e futbollit Italian janë mbledhur në Sallën e nderit të CONI në Roma e kanë marrë një vendim mbi rikuperimet në Serie A për shkak të shtyrjeve për shkak të koronavirus. Në pritje të komunikimit nga qeveria, Lega ka vendosur zhvillimin me dyer të mbyllura të javës së 26 të kampionatit fundjavën e ardhshme. Për rrjedhojë Juventus-Inter do të luhet të dielën në mbrëmje në orën 20.45 e kampionati do të shtyhet me një javë.
Futbolli Italian është në pritje të direktivave qeveritare, duke vazhduar në hipotezën që ishte bërë e fortë në orët e fundit: rikuperimet do të luhen të shtunën e të dielën e kampionati pastaj do të vazhdojë normalisht duke u shtyrë me një javë vetëm. Në skenarin e ndërtuar, Juventus-Inter do të luhet të dielën në 20.45, duke qenë se të hënën është e sigurtë se nuk do të rrëzoheshin limitimet e dyerve të mbyllura.
Do të mbeteshin të bllokuara dy gjysëmfinalet e kthimit të Kupës së Italisë e Inter-Sampdoria: do të shihet ecuria e Juventus e Inter në kupat europiane e pastaj do të vendoset.
Në mbledhjen e Lega Calcio kanë qenë prezentë presidenti Paolo Dal Pino e administratori Luigi De Siervo, këshilltarët federal e përfaqësues të shoqërive të ndryshme mes të cilëve edhe presidenti i Lazio e Milan, Claudio Lotito e Paolo Scaroni, administratori i deleguar i Inter Giuseppe Marotta, drejtori sportiv i Juventus Fabio Paratici e zëvendëspresidenti i Romës, Mauro Baldissoni. Të pranishëm kanë qenë edhe përfaqësuesit e Sassuolo, Atalanta, Fiorentina e Udinese.
