Kishte pësuar vetëm dy humbje gjatë gjithë sezonit, në të gjitha kompeticionet, në gati 40 ndeshje, por Liverpool i pamposhtur është futur në një fazë shumë të cuditshme, që nëse nuk do të ishin shifrat e deritanishme do të quhej një mini krizë. Skuadra e Jurgen Klopp është eliminuar nga FA Cup, pas humbjes 2-0 kundër Chelsea, në 1/8 e finales të martën në Londër, duke pësuar humbjen e tretë në katër ndeshjet e fundit.
Një mundësi e humbur për ti shkuar deri në fund Kupës së Federatës, me Chelsea që shkon në cerekfinale të kompeticionit, por ajo që duhet të shqetësojë teknikun gjerman është seria e pazakontë e rezultateve negative, që nisi me humbjen në sfidën e vajtjes së 1/8 të finaleve të Champions kundër Atletico Madrid 1-0 dhe u pësua nga rrëzimi i zhurmshëm në kampionat përballë Watford 3-0. Willian dhe Ross Barkley shënuan dy golat e triumfit në Stamfrord Bridge për skuadrën e Frank Lampard. Brazilian siguroi avantazhin në minutën e 13, falë një gabimi skandaloz të Fabinhos, i cili ia pasoi vetë topin, ndërsa Barkley finalizoi një kundërsulm të shpejtë në minutën e 64.
https://vc.sporttube.com/video/2020/3/3/2n6CCCG.mp4
Skuadra e Klopp nuk goditi asnjëherë portën në pjesën e dytë dhe nëse eleminohet edhe nga Liga e Kampionëve, do të mbetet me vetëm një trofe në një sezon që për mënyrën si nisi premtonte një valangë trofesh për Reds.
