“Eriksen? Nuk dua të them asgjë. Dua vetëm të them se një situatë e tillë nuk duhet të ndodhte në 25 janar, nuk është e këndshme. E kjo jo për faj të Tottenham”. Tekniku i Tottenham José Mourinho komenton kështu ikjen e Christian Eriksen, që të hënën pritet të jetë në Milano për vizitat mjekësore me Inter.
“E vetmja gjë që mund të them - shpjegon Special One pas ndeshjes së FA Cup kundër Southampton - është se Eriksen, që nga momenti në të cilin mbërrita, është sjellë në mënyrë shumë profesionale me mua e me skuadrën. Tottenham është i fundit që mund të akuzohet për këtë situatë, por të jesh në këtë pikë në 25 janar nuk është e bukur”.
