Leipzig është gjithnjë i pari në Bunbdesligë, por në ish-Gjermaninë Lindore kanë shpërthyer polemikat. Tifozët e Union Berlin akuzojnë Leipzig se po injektojnë egërsisht paratë në futboll e se tradita e vërtetë e futbollit në lindje të Gjermanisë përfaqësohet nga ata. Ultras të Union Berlin kanë organizuar një “marshim funebër” në Leipzig pasditen e djeshme, përpara ndeshjes që më pas është fituar nga vendasit në Red Bull Arena 3-1 kundër berlinezëve. Tifozët kanë marshuar drejt stadiumit, duke mbajtur një parrullë që shkruante: “Futbolli po vdes në Leipzig”.
Polemika e tifozëve të Union lidhet me komercializimin e shfrenuar të bërë nga Leipzig që ka krijuar nga hici, për ta ertificialisht, një klub për vendet e para, por pa një traditë të vërtetë. Mesazhet mbi kryqe përfshinin në fakt terma si: “Pjesëmarrja, kultura e tifozit, tradita, emocioni, futbolli real”.
Me mbërritjen në Red Bull Arena, tifozët e Union kanë lënë sektorin e tyre bosh deri në fillimin e ndeshjes e qendruan në heshtje për 15 minutat e para të ndeshjes. Union kaloi në avantazh i pari, pastaj dygolëshi i Timo Werner e goli i Sabitzer blinduan vendin e parë të Leipzig në Bundesliga.
