Mattia Caldara kthehet tek Atalanta. Operacioni i përcaktuar vetëm pasditen e djeshme mes Milanit dhe Atalantas, përfundon sot me kryerjen e vizitave mjekësore të mbrojtësit të datëlindjes 1994. Caldara largohet nga Milan, në huazim për 18 muaj, me një të drejtë blerje të vendosur në 15 milion euro për bergamaskët. Kuqezinjtë do të ketë madje një përqindje në rast të rishitjes në të ardhmen të mbrojtësit, por kanë mbajtur jashtë tratativës futbollistin danez Simon Kjaer, që mbetet një përforcim i mundshëm në mbrojtje për Milan. Aktiv në hyrje, Milan nuk mbetet prapa në dalje: drejtuesit e klubit janë takuar me menaxherin e Pepe Reinas, Manuel Garcia Cuillon, në tentativë për të zhbllokuar në mënyrë përfundimtare kalimin e tij tek Aston Villa. Cuillon po përpiqet të kuptojë se çfarë ideje ka Milani për lamtumirën e portierit iberik, që mund të zëvendësohet nga Viviano.
Patrik Cutrone është sulmuesi i ri i Fiorentina. Klubi vjollcë dhe Wolverhampton kanë përcaktuar të gjitha detajet për kthimin në Serie A të sulmuesit të lindur më 1998 dhe lojtari ka mbërritur në Firence. Presidenti Commisso ka mbyllut marrëveshjen në bazë të një huazimi për 18 muaj me një detyrim blerje. Lojtari mbërriti në Firence mbrëmjen e djeshme, ndërsa do të kryejë tashmë vizitat mjekësore. Me ardhjen e Cutrone, Fiorentina tani mund të shesë Pedron, një zhgënjim i vërtetë i gjysmës së parë të sezonit. Lojtari është një hap larg kthimit në Brazil me Gremion, i cili është i gatshëm ta marrë atë plotësisht për 11 milion euro plus dy bonus.
Diego Demme është përforcimi i parë i Napolit të Genaro Gattuso. Mesfushori ka mbërritur në Romë me një fluturim nga Frankfurti. Ekzaminimet mjekësore janë kryer dje dhe pastaj është bërë nënshkrimi i kontratës. Operacioni ka arritur shifrën e 12 milion euro, por nuk është asgjë në krahasim me shifrën që mund të inkasojë Napoli nga shitja e Arkadiuz Milik. Shtatëdhjetë milionë euro është shifra që, sipas The Sun, Manchester United është gati të paguajë për të rrëmbyer polakun nga Napoli në këtë merkato të janarit. Synimi i drejtuesve të “Djajve të Kuq” është që të ndërhyjnë në tratativën për rinovim mes polakut dhe klubit napoletan.
Shitja e Daniele Rugani mund të ishte transaksioni i vetëm i Juventusit në dalje në tregun e janarit. Ish-mbrojtësi i Empolit deri më tani ka luajtur vetëm 270 minuta të ndara në mes të Serisë A dhe Champions League dhe për këtë arsye duket se konsiderohet nga bardhezinjtë si një element i tepërt i skuadrës në dispozicion të Maurizio Sarrit. Sipas asaj që raportohet nga Corriere dello Sport, dy klube kanë lëvizur tashmë: Milan dhe Eintracht Frankfurt.
