Blerja e 50% të aksioneve të klubit suedez Hammarby ka qenë një goditje e ulët për tifozët e Malmoe, që e konsideronin sulmuesin një ikone të klubit të tyre dhe mbanin me krenari përpara stadiumit statujën e tij. Por tradhëtia e paimagjinuar i ka bërë tifozët, në pamundësi ti nxjerrin nervat Ibrahimovic, të shkarkojnë tërbimin ndaj statujës para stadiumit të tyre, që është inauguruar vetëm pak javë më parë: "Tani përpara stadiumit tonë është pronari i Hammarby, tradhëtar: hiqeni".
Historia, e treguar nga e përditshmja suedeze Aftonbladet, nis nga Tomas Ruzic, që ka hapur një peticion on-line për të hequr statujën, që deri një ditë më parë ishte simboli i Malmoe: "Kur Ibrahimovic zgjedh të pozojë me fanellën e rivalëve e thotë se kërkon ta bëjë Hammarby klubin më të madh në Skandinavi, atëherë do të thotë se nuk ka më punë me ngjyrat tona. Me paratë e tij mund të bëjë ctë dojë, nëse dëshiron Hammarby nuk ka problem, por tani unë them se përpara stadiumit të Malmoe është statuja e pronarit të Hammarby".
E reagimi aktiv ka mbërritur menjëherë, sepse statuja është vandalizuar: është vënë një qese plastike në kokën e Ibrahimovic të bronxtë e pjesë ëc në një krah. "Mendoj se duhet hequr statuja, përpara se të shkatërrohet më shumë" thotë Ruzic, që në pak orë ka marrë mbi 1.500 firma për peticionin.
