Spanja tërheq zvarrë Maltën 7-0 në një nga sfidat më të lehta të natës së kualifikueseve në Euro 2020, por ai që buzëqesh është futbolli skandinav: 3-0 ndaj Liechtenstein i dhuron Finlandës vendin e parë Europian në historia. Kualifikohet edhe Suedia, që mposht dhe kalon në renditje Rumania falë 2-0 në Bukuresht. Shumë pranë arritjes edhe Danimarka (6-0 ndaj Gjibraltar) e Zvicra (që mundi 1-0 Gjeorgjinë).
GRUPI D
Danimarka luan tenis në Kopenhagen, ku mund 6-0 Gjibraltarin e vendos një këmbë në Euro 2020. Shumë e lehtë ndeshja për vendasit, në avantazh në të 12' me të majtën e Skov e pastaj të aftë ti japin përmasa fitores. Në të 47' mendon Gytkjaer me një të djathtë të fortë, në të 51' Braithëaite trefishon nga fare pranë. Ka ende kohë për Skov të kompletojë dygolëshin në të 64' e për Eriksen të vendosë firmën në finale me dy gola (85' e 94'). Danimarka tani është një pikë larg kualifikimit, shumë afër edhe për Zvicrën që të hënën do të shkojë të luajë pikërisht në Gjibraltar. Ndërkohë në San Gallen fiksohet një rezultat vendimtar 1-0 ndaj Gjeorgjisë, falë golit me kokë të Itten në të 77'. Humbësja e madhe është Irlanda, që edhe pa luajtur e pa veten të shkojë nga e para në të tretën në 90 minuta, me qartësinë që të hënën, sfida e Dublinit kundër Danimarkës, tani +3, do të jetë një betejë për jashtë apo brenda.
GRUPI F
Spanja zbavitet në Cadice, ku kthehet të fitojë, pas dy barazimeve të fundit kundër Norvegjisë e Suedisë. Viktima për tu sakrifikuar është Malta, e varrosur nga golat e e të besuarve të Robert Moreno, që në fund dalin nga fusha me një 7-0. Golin e avantazhit e firmosi Morata në të 24', me një tap-in në zhvillimet e një goditje këndi. Gerard Moreno pa ti anullohet dyfishimi për pozicion jashtë loje, por në të 41' është pikërisht ai që i dha Cazorlas topin e duhur për golin e dytë. Në pjesën e dytë erdhi edhe goditja fatale për miqtë, kur Spanja shënoi katër gola në më pak se 10 minuta: nisi Pau Torres në të 62' në zhvillimet e një goditje këndi, në të 63' erdhi e majta e Sarabia, Dani Olmo në të 69' kompletoi shuplakën pas një driblimi dehës e kështu në të 71' pati lavdi edhe për Gerard Moreno. në minutën e 85' vuri firmën edhe Jesus Navas. Sukses vendimtar 2-0 për Suedinë në Bukuresht, garanci e kualifikimit për skandinavët. Në të 18' është Berg që vendosi ndeshjen në rrugën e duhur, me një goditje me kokë pas pasimit të Forsberg nga e majta. Në të 34' është Quaison që vulosi ndeshjen me një aksion spektakolar të nisur nga Berg. Bëhet krejtësisht e kotë fitorja 4-0 e Norvegjisë ndaj Ishujve Faroe: Reginiussen e Fossum shënuan në fillim (4' e 8'), në pjesën e dytë erdhi edhe dygolshi i Sorloth (62' e 65'). Por në Euro 2020 shkon Suedia.
GRUPI J
Italia nuk gabon në Bosnje duke mundur 3-0 kombëtaren e Dzeko e Pjanic. Të kaltrit kanë marrë fitoren e 9 radhazi në grup me golin e minutës së 21' nga Acerbi: dyfishoi Insigne në të 37', ndërsa trisin e vulosi Belotti (53'). Kombëtarja e Mancini ka vendosur kështu një rekord të ri me 10 fitore radhazi e do të jetë kokë grupi në Euro 2020. Ka festë edhe për Finlandën, që me fitoren 3-0 ndaj Liechtenstein është tashmë e sigurtë për vendin e dytë dhe pjesëmarrjen në Euro 2020. Një kualifikim historik për skandinavët, që nuk kishin shkuar kurrë më parë në fazën finale të ndonjë Botërori apo Europiani. Avantazhin e firmosi Tuominen në të 21', duke shfrytëzuar inisiativën e Pukki, që në të 64' shënoi edhe vetë me penallti. Po Pukki fiksoi rezultatin në minutën e 75'. Në të njëjtin grup Greqia shkoi të fitonte 1-0 në Armeni: vendosi Limnios në të 34', me helenët që në këtë mënyrë kalojnë kundërshtarët në klasifikim dhe dalin të tretët.
REZULTATET
EURO - QUALIFICATION:: GROUP D
Denmark 6 - 0 Gibraltar
Switzerland 1 - 0 Georgia
EURO - QUALIFICATION:: GROUP F
Norway 4 - 0 Faroe Islands
Romania 0 - 2 Sweden
Spain 7 - 0 Malta
EURO - QUALIFICATION:: GROUP J
Armenia 0 - 1 Greece
Finland 3 - 0 Liechtenstein
Bosnia and Herzegovina 0 - 3 Italy
