Psg fiton një ndeshje të komplikuar në transfertë me Brest me rezultatin 2-1 e duhet të falenderojë Mauro Icardi që hyri në fushë nga pankina dhe pas vetëm 5 minutash në hyrja në fushë shënoi golin e fitores në të 85’, duke vendosur ndeshjen. Për parisienët ishte fitorja e 10 në kampionat në 13 ndeshje të luajtura. 30 pikë dhe 9 distanca larg ndjekësit më të afërt, skuadra e Tuchel shkon e sigurtë drejt rikonfirmimit kampion.
Nisi me idenë ti bënte gjërat e qarta menjëherë Psg në shtëpinë e Brest. Në 25 minutat e para ishte një pushtim i vërtetë në anët e portierit vendas: Sarabia dy herë, e Di Maria, pa harruar të rikthyerin nga dëmtimi Edinson Cavani. Por në anën tjetër Cardona e Court i kujtuan skuadrës së Tuchel se është më mirë të mbash përqendrimin të lartë, për të evituar situata të papëlqyeshme. Psg megjithatë e pati të vështirë të gjente hapësira para, deri kur zhbllokoi papritur ndeshjen: në të 39’ Draxler shërbeu për Di Maria që nuk e pati të vështirë ta dërgonte topin në rrjetën e Brest.
Brest qendroi në lojë pa shumë vuajtje dhe në momentin më të përshtatshëm goditi, duke barazuar rezultatin. Në të 72’, e majta e Grandsir, në fushë nga pankina, mposhti Sergio Rico, duke detyruar PSG tia rinisë nga e para. Tuchel atëherë u kthye nga Icardi, në fushë në të 80 e në gol në të 85. Argjentinasi shënoi golin e pestë në kampionat në asist të Choupo Moting. Brest nuk kishte më forcën të rikuperonte edhe një herë ndeshjen e Psg konsolidoi vendin e parë me tre pikë të tjera.
