Arsene Wenger kthehet të përmendet në botën e futbollit, konkretisht për pankinën e Bayern Mynih, por francezi kthehet edhe të flasë për futboll, por këtë herë jo për të ardhmen e tij. Ish-tekniku i Arsenal, për mikrofonët e beInSport ka komentuar gjendjen e formës së Eden Hazard, sulmuesit të Real Madrid. Fjalë të destinuara të krijojnë debat, ato të theksuara nga francezi që ka shigjetuar belgun për peshën e tij.
“Hazard nuk është ai që shihej me Chelsea. Të paktën jo akoma. E besoj se kjo lidhet me formën e tij fizike. Nuk është në formë. Pas dëmtimit nuk është kthyer në 100% të formës së tij. Nuk ka besimin e zakonshëm. Më duket kështu. Besoj varet nga pesha që ka tani. Mendoj se është bërë shumë i rëndë. Nëse dëshiron ti humbasësh garën një kali që peshon 500 kg, mjafton ti shtosh 2 kg më shumë. Ja kështu…”.
