Një makinë është gjetur e braktisur në Gjirin e Lalzit, e cila dyshohet se u përket atentatorëve të prokurorit të Durrësit, Arjan Ndoja. Nga informacionet paraprake, raportohet se mjeti i braktisur është gjetur në fshatin Shkafanë, pranë Gjirit të Lalëzit. Të njëjtat burime thanë se policia ka mbërritur dhe ka nisur punën për hetimin dhe dokumentimin e të gjitha provave.
Targat e mjetit të braktisur kanë qenë të vjedhura në Tiranë, ndërsa brenda saj janë gjetur dhe dy armë tip kallashnikov. Mjeti i braktisur është një “Mercedes Benz 280”, dhe është gjetur nga Policia me të gjitha dyert e hapura dhe i padjegur. Në atentatin e ndaj Ndojës u qëllua me breshëri kallashnikovi nga persona ende të paidentifikuar. Të plagosur mbetën edhe dy persona të tjerë që udhëtonin bashkë me të. ©LAPSI.al
