Ndeshja Francë-Irak u ndërpre në fund të pjesës së parë dhe stadiumi në Filadelfia u evakuua për shkak të një stuhie me rrufe në afërsi të impiantit sportiv. Në raste të tilla, protokolli i zbatuar në Shtetet e Bashkuara parashikon që ndeshja të ndërpritet për të paktën 30 minuta nëse regjistrohen rrufe brenda një rrezeje prej 8 miljesh (12.8 kilometra) nga stadiumi.
Takimi mund të rifillojë vetëm nëse gjatë kësaj periudhe nuk regjistrohen rrufe të tjera. Në rast se zbulohen shkarkime të reja elektrike, numërimi i 30 minutave nis nga e para. Ndeshja u ndërpre me rezultatin 1-0 në favor të Francës, falë golit të shënuar nga Kylian Mbappé në minutën e 14-të.
Kjo është hera e parë që një ndeshje e Kupës së Botës pezullohet, në përputhje me rregullat e rrepta amerikane për kushtet e motit dhe stuhitë, ashtu siç kishte ndodhur edhe gjatë ndeshjeve të Kupës së Botës për Klube një vit më parë, po në Shtetet e Bashkuara. Një përditësim i ri mbi situatën pritej në orën 01:00.
