Kandidatja për ambasadore e SHBA-ve në Shqipëri, Yuri Kim, doli në një seancë dëgjimore në Senatin amerikan këtë të martë. Ajo ka folur edhe për ndryshimin e kufijve, duke theksuar se kjo ide nuk është e dobishme. Ajo u pyet nga senatorja Jeanne Shaheen rreth deklaratave të kryeministrit të ardhshëm të Kosovës, Albin Kurti për integrim më të madh midis dy shteteve shqiptare.
“SHBA ka bërë investime të mëdha në rajon duke sjellë paqe dhe që shtetet të qëndrojnë të pavarura, në paqe dhe të punojnë si skuadër. Ndryshimi i kufijve nuk është i dobishëm”, - tha kandidatja për ambasadore e cila pret votën e kongresit për të marrë detyrën pas emërimit nga presidenti Trump. ©LAPSI.al
