Një gomone me rreth 450 kg lëndë narkotike është ndaluar nga autoritetet italiane në brigjet e Barit. Pas kontrolleve është zbuluar se lënda narkotike e nisur nga Shqipëria me destinacion vendin fqinjë, ka qenë e llojit kanabis sativa.
Një sasia prej rreth 450 kg marijuanë është sekuestruar nga policia italiane, e cila kishte shkuar me skaf në brigjet e Brendësit. Një 48 vjeçar nga Brindisi ka përfunduar në pranga. Mediat italiane shkruajnë se droga ishte e paketuar në pako të pa përshkrueshme nga uji dhe ishte dërguar nga një organizatë kriminale shqiptare.
Mjeti lundrues që drejtohej nga 48 vjeçari italian, ishte pikasur nga radari duke kryer manovrime të dyshimta në det.
Kjo bëri që autoritetet ta vinin nën vëzhgim mjetin lundrues, një skaf gjysmë i mbuluar 6 metra i gjatë dhe me një motor të fuqishëm.
Ngarkesa e sekuestrua nga varkat patrulluese të Barit, duke kapur konkretisht 418 kilogramë marijuanë dhe 31 kg hashash e ndarë në 45 pako secila me nga 2.5 dhe 10 kilogramë.
Pakot ishin shënuar të gjitha me emrat të shkurtuar dhe me ngjyra të ndryshme në varësi të prodhimit, llojit të drogës dhe marrësve në Itali.
