Një sasi prej rekord prej 617 kg kokainë e pastër është sekuestruar nga policia federale braziliane në një zonë rurale në Brasnorte. Lënda narkotike u gjet e fshehur në dyshemenë e një kamioni ndërsa 4 persona u arrestuan. Sipas policisë vendase droga që kapte vlerën e 9 milionë dollarëve kishte si destinacion Evropën.
Ajo që bie në sy është se në pakot e drogës është e stampuar logoja e klubit të futbollit të Elbasanit. Dyshimet janë se kjo sasi kokaine do të vinte në Shqipëri.
Policia braziliane arriti të shkatërronte edhe laboratorin ku ishte përpunuar kokaina. Operacioni mban datën 2 shtator kur u sekuestruan edhe materiale të përdorura për rafinimin dhe paketimin e lëndës narkotike, peshore dhe sende të tjera.
Shoferi i kamionit i konfirmoi policisë se kishte marrë 10 mijë dollarë për të transportuar ngarkesën. Zyrtarë të policisë vendase thanë se kokaina ishte e pastër dhe se kjo ishte sasia ishte më e madhe e kapur këtë vit në këtë rajon. ©LAPSI.al
